هذي الدنيا مدارس واختبار
كم فتى عن وقت حتفه ما درا
قدّر الرحمن والمكتوب صار
والقدر لا تم ما يرجع ورا
مؤمنين ٍ بالقدر سر وجهار
من قوي ٍ ما يغشيه الكرى
( يا مها ) لك جنة الفردوس دار
مع جميع الحور لك عين ٍ ترى
( يا مها ) لو فيه حيلة واقتدار
كان عنك الموت لازم يشترى
( يا مها ) حكم الولي والحق صار
ندعي الرحمن لك طيب الثرى
( يا مها ) يا شمس ينعاك النهار
كيف نورك ودع الكون وسرا
و ( يا سمية ) يا عبير ٍ من نوار
العزا لا هلك جماعة واقصرا
( يا سمية ) يرحمك رب الديار
يسكنك في جنته ظل وذرا
(يا سمية ) يا حلا كل الثمار
ليتك تشوفين وش عقبك جرا
(يا سمية)(يا مها) في كل دار
دمعها بافراقكن مايحصرا
واعسى الجنة لكن دار وقرار
يافقيدات الحلاوة والطرا
.
.
للشاعر سليمان الجربوع
ليست هناك تعليقات:
إرسال تعليق